Ny side 1

Ansvar og kontroll

Ansvar
Alt bygge- og anleggsarbeid som er søknadspliktig skal vere dekt med ansvar.
Å ha ansvarsrett i byggesaker, vil si å ta på seg ansvaret for at byggearbeid vert prosjektert og/eller utført i samsvar med plan- og bygningslova, forskrifter og føresegner

Nokre byggearbeid kan tiltakshavar sjølv ha ansvaret (PBL§20-2 og PBL§20-3).

Nokre byggearbeid må profesjonelle føretak ha ansvaret (PBL§20-1). Det er 5 ansvarsfunksjonar:
       1. Ansvarleg søkjar (SØK).
       2. Ansvarleg prosjekterande (PRO).
       3. Ansvarleg kontrollerande for prosjekteringa (KPR). - (Berre ved uavhengig kontroll).
       4. Ansvarleg utførande UTF.
       5. Ansvarleg kontrollerande for utføringa (KUT). - (Berre ved uavhengig kontroll).

I hovudsak er det bare godkjente firma (føretak) som kan få ansvarsrett.
Skal du bygge ditt eige hus, kan du søke om eigen ansvarsrett. Les meir om sjølvbyggar her.

Søknad om ansvarsrett er 2 ting:
a) Søknad om ansvarsrett (Eigen blankett).
b) Sentral godkjenning eller Søknad om lokal godkjenning

Kontroll
Bygningskontroll vart overført til private føretak i 1997. Ordninga med eigenkontroll gjekk ut 01.07.10.
Alle føretak er pålagt å ha innarbeida eige kvalitetssystem i samsvar med krava i Pbl.
Søknad om KPR/KUT vil verte å sjå på som uavhengig kontroll (tidlegare kalla 3.partskontroll).

Uavhengig kontroll. (Sak§14-2)
Frå 01.07.12., er det krav om obligatorisk uavhengig kontroll i følgjande høve:

Tiltaksklasse 1:    - Våtrom      - ved nybygging / søknadspliktig ombygging.
                           - Lufttettheit - ved nye bustader.
Tiltaksklasse 2/3: - Lufttettheit / bygningsfysikk..
                          - Konstruksjonstryggleik.
                          - Geoteknikk.
                          - Branntryggleik.
                          - Våtrom - berre ved bustader.

OBS. Kommunen kan i tillegg, etter ei konkret vurdering, sette krav til uavhengig kontroll sor forhold som ikkje fell inn under Sak§14-2.

Gjennomføring av - uavhengig kontroll.
Kontrollen vert utført ved at føretaket sitt kvalitetssystem vert kontrollert om det er brukt gjennom inspeksjon av dokument, sjekklister, rutinar m.v. (Sak§14-6). (Omlag liknande ved tilsyn).

Dersom det skal gjennomførast fagleg kontroll om rett bruk av løysingar i samsvar med TEK, statiske utrekningar m.v., må dette vere tydeleg spesifisert i krav frå mynde.

Tilbake