Plassering og kontroll for
plassering av tiltak
- der tiltakshavar sjølv har ansvaret
Der plassering av tiltaket ikkje rører ved kritiske minsteavstandar og høgder eller der kritiske minsteavstandar kan verte teke vare på ved utmål frå - for eksempel eigedomsgrenser m.v.
(Kritiske minsteavstandar vil for eksempel være minsteavstandar mellom bygg, mellom bygg og nabogrense; byggegrense m.v.).
I all hovudsak vil du som tiltakshavar derfor sjølv kunne plassere bygget når:
- Eigedomsgrenser mot nabo er oppmålt og påviseleg i marka/terrenget.
- Eigedomsgrense mot veg er samanfallende med reguleringslinje mot veg (går fram av situasjonskartet) og at eigedomsgrense mot veg er oppmålt og påviseleg i marka.
Der desse forholda ikkje er teke vare på, bør du som tiltakshavar gjere eit av følgjande:
- Kontakt kommunen for å rekvirere kartforretning eller påvising av aktuelle eigedomsgrenser.
- Kontakt kommunen for å rekvirere påvising av aktuelle reguleringsliner; byggeline el.l.
- Kontakt eit føretak som har kompetanse til å utføre utstikking (dette vert tilbudd som ei teneste i enkelte kommunar). Eit slikt føretak kan hente digitale grunnlagsdata frå kommunen, og bruke dei i plasseringa.
Det vert gjort merksam på at kommunen sine tenester er gebyrbelagt.
Tiltakshavar sitt ansvar
- Tiltakshavar er sjølv ansvarleg for å varsle kommunen for eventuell påvising av leidningar for vatn - og avløp i grunnen.
- Tiltakshavar må sjølv sørgje for at
bygget vert plassert riktig i marka. Godkjent situasjonsplan vert
sett på som dokumentasjon for plassering av tiltaket.
Tiltakshavar er ansvarleg for at tiltaket vert plassert i samsvar med situasjonsplanen, og skal varsle avvik til byggesakskontoret.