Klage på vedtak

Når kan eg klage på eit vedtak?
Enkeltvedtak som er gjort etter Pbl§1-9 og matrikkellova § 46 kan verte påklaga i samsvar med forvaltningslova § 28. Frist for klage er 3 veker frå det tidspunkt melding om vedtaket vert rekna å ha kommen fram til Dykk. Det er tilstrekkeleg at klaga er postlagt innan frista. Klaga skal verte sendt til kommunen.
Det kan ikkje klagast på tilhøve som er sett i bindande reguleringsplan eller ved dispensasjon.

Formkrav til klaga
Klaga må være underteikna, - opplyst om det vedtaket det vert klaga over, - og dei endringar som vert ønska i vedtaket. Klagen bør være grunna og innehalde alle dei opplysningar som har tyding for vurderinga av klagen.

Kan byggearbeidet verte satt i gang, sjølv om det er innsendt klage?
Sjølv om det er innsendt klage, kan byggearbeidet - til vanleg - verte sett i gang.
Dersom du meinar at byggestart må vente til klaga er avgjort, kan du i klaga be om "oppsettande verknad" (utsett igangsetting) av vedtaket.
Det er kommunen som avgjer om "oppsettande verknad" skal verte gjeve.

Kan eg få dekka kostnader (utgifter) ved klage?
Vurderar du å klage, kan du søke om å få dekka utgifter til advokatbistand etter regla for fritt rettsråd. For fritt rettsråd gjeld grensar for inntekt - og formue. Fritt rettsråd vert gjeve av praktiserande advokatar som også kan orientere om ordninga.

Om klagen fører fram, kan du krevje at naudsynte kostnader ved klaga, vert dekt etter føresegnene i forvaltningslova § 36.
Det kan òg vert krevje dekt vesentlege kostnader som har vært naudsynte for å ta vare på dine interesse i klagesaka, dersom det vert funne rimeleg.

Har eg rett til å sjå dokumenta i saka og krevje rettleiing?
Med de grenser som vert sett av forvaltningslova §§ 18 og 19 har du rett til å sjå dokumenta i di sak.
Du må i tilfelle vende deg til kommunen og kan få nærare rettleiing om klagerett samt sakshandsamingsreglar og andre reglar av konkret tyding for dine rettar og plikter innafor vårt saksområde.

Tilbake