Kva er ein førehandskonferanse?

Reglane for førehandskonferanse finn du i PBL §21-1 og 21-8. SAK10§6-1, 7-1 og 7-2.

Ein førehandskonferanse er eit møte mellom deg (tiltakshavar), din representant (ansvarleg søkjar) og kommunens sakshandsamar, - for å gå i gjennom dine idear til ditt byggeprosjekt.

Du kan be om slikt møte når du har ein ide om å bygge noko.
Kommunen kan også be om førehandskonferanse med deg når kommunen meiner at det er trong for å avklare eit tiltak. Møtet bør haldast i god tid før ein søknad blir sendt til kommunen.

Korleis kan du tinge førehandskonferanse?
Du kan tinge møtet ved telefon eller bruke tingingsblankett som kan sendast til den kommunen du skal bygge i.

Kven deltar i ein førehandskonferanse?
Du som tiltakshavar og din representant (ansvarleg søkjar) deltar.
Frå kommunen møter byggesakshandsamar som kan innkalle andre mynde der det er trong for at dei deltar i møtet.

Kva bør du ta med til førehandskonferansen?
Du bør ha komme så langt i planlegginga av byggeprosjektet ditt at du kan sende ei skisse til kommunen på førehand eller at du kan vise dette i møtet.
Her kan du hente ei momentliste du kan ta med til møtet.

Kva skjer i førehandskonferansen?
-  I førehandskonferansen gir partane kvarandre ein gjensidig informasjon, slik at du og din
   ansvarlege søkjar skal få oversikt over kva føresetnader som regleverket gjev for det
   byggeprosjektet du har tenkt å gjennomføre.
-  I møtet vert det avklara om søknadsforma for byggeprosjektet og om det er trong for å søke
   om dispensasjon frå gjeldande regelverk.
-  Kommunen bør gi informasjon om saksgangen, handsamingstid og gjeldande gebyr så langt
   som det er mulig.

Se også momentliste nedanfor for førehandskonferanse.

Referat frå førehandskonferanse:
Det bør verte skrive referat frå møtet og som regel er referenten kommunen sin representant. Referatet kan verte levert ut som avslutning på møtet eller vert sendt ut etter møtet til alle partane som deltok. Referatet er rettleiande, men ikkje bindande for vidare sakshandsaming.