Veg 

Nye bustader og verksemder skal vere knytt til veg, vatn og avlaup.
Om tomta di skal verte knytt til offentleg veg, må du spørje offentleg mynde om løyve til å knyte deg til.

  • Ved tilknyting kommunal veg, må du søke kommunen om løyve.
    Kommunen sett krav til siktlinjer og til stigning/fall på din veg.
  • Ved tilknyting fylkesveg, må du søke fylke/statens vegvesen om løyve. Fylket sett krav til siktlinjer og til stigning/fall på din veg.
  • Om tomta di skal verte knytt til privat veg, må du sikre rett til å knyte deg til denne private vegen.
  • Det vert normalt ikkje gjeve byggeløyve før VVA er sikra.
Skal du bygge nytt veganlegg (som skal ligge over fleire eigedomar) må du halde deg til dette:
Kva må sendast inn til kommunen?
(Kommunen - som eigar av offentlege vegar). Minstekrav til dokumentasjon:
  1. Søknad om tilknyting offentleg veg.
  2. Fagmessig utførte tverr- og lengdeprofilar. Eksisterande terrengliner, evt. fyllingar skjeringar, murar må vere vist.
  3. Situasjonskart. Kart i målestokk 1:500 eller 1:1000, som viser kor veganlegget skal plasserast.
    I enkelte høve må målestokk for kartet være tilpassa lengda på vegen     (på situasjonskartet må tilkomst teiknast inn).

Dersom du ynskjer at kommunen skal overta vegen når den er ferdig bygd, må du ta kontakt med kommunen kva vilkår som gjeld før du går i gang med veganlegget.

   Kva må sendast inn til kommunen?
  (Etter plan- og bygningslova) 
  Minstekrav til dokumentasjon:
  1. Søknadsskjema for byggesak.
    Signert av tiltakshavar
    - og ansvarleg søkjar.
  2. Fagmessig utførte tverr- og lengdeprofilar. Eksisterande terrengliner, evt. fyllingar skjeringar, murar må vere vist.
  3. Situasjonskart. Kart i målestokk 1:500 eller 1:1000, som viser kor veganlegget skal plasserast. I enkelte høve må målestokk for kartet være tilpassa lengda på vegen.
  4. Nabovarsel + varsel til dei som vert råka.
  5. Ved etablering av vegar over annan eigar sin grunn, skal det ligge føre skriftleg samtykkje.
    (Forslag til samtykje sjå her. Du kan klippe/lime i worddokumentet.)
  6. Ansvarsrettssøknader.
 
Tekniske Krav til tilkomst.
Kommunen sett tekniske krav til tilkomsten. Dette gjeld plassering (stad for krysspunkt og horisontalvinkel), bredde, stigning/fall (vertikalvinkel) og siktliner.
Ta kontakt med din kommune om disse krava.
Det vert ofte sett krav til å legge eit røyr for overvatn (ø = 8" - 200mm) ved kryssing av veggrøft.

Forskrift om om alminnelige regler om bygging og vedlikehald av avkjørsle frå offentleg veg, finn du her.
 
NÅR FÅR EG SVAR ?
Kommunen vil til vanleg gje svar på søknaden innan 5 veker. Det kan være lurt å ta kontakt med kommunen før du sett i gang. 
 
KOSTAR DET NOKO ?
Kommunen har ingen gebyr for handsaming av søknad om å knyte seg til offentleg veg.